菲林攝影 黑房作業
2021年10月15日，是獨立書店 Bleak House Books 清明堂的最後一天。這間在新蒲崗的書店主力售賣新舊英文書籍，無論是書店路線、裝潢氣氛，以至老闆性情、社會關懷，在香港都可以說是獨一無二。小弟之前同朋友亦上過去幾次，被清明堂散發的氛圍深深吸引。
當老闆 Abert 宣佈結業舉家回美國，直至書店營業的最後一天，網上的迴響非常之大。我自己特意上去兩次，買返幾本書籍珍藏，以作對 Bleak House Books 同 Albert 的敬意。
這些相片是在清明堂 last day 影的，雖然自己很喜歡這間書店，不過並沒有像其他人一樣跟老闆或店員熟絡，所以只是默默在書店內影相。希望可以將清明堂的氣氛和精神留下少少紀錄。
2021年10月15日 Bleak House Books
Nikon S2 | Voigtländer SC SKOPAR 21mm f/4 | Ilford Delta 400
賣 Gear 對我嚟講係一件有困難嘅事，因為好似要將自己一部份切割俾人咁… 你可能會覺得賣相機都要特登出個post好匪夷所思，但對我嚟講都算係一個little big deal嚟嘅～
睇返eBay購買記錄，發現原來已經用咗部 Fujica GW690II 差唔多十年半！我都帶過佢去好多地方，有歐洲有九州甚至長洲；2022年頭仲啱啱帶佢上咗鳳凰山～期待下一手影更多靚相啦！
過去的十月尾突然傳出海安㗎啡室結業消息，網上出現一遍「哀嚎悼念」，社交媒體出現好多海安的相片，小弟的網誌亦重新出發，將第一篇獻俾呢間69年歷史的冰室。
同時，油麻地另一間老茶記大安茶冰廳，亦因為「店主移民」亦悄悄關上大門，社交媒體上也有零聲的「悼念」。幾日之後渣哥亦宣佈灣仔分店即將結業，老闆勸大家不要特意幫襯，應該支持其他小店。
唔知大家聽到大渣哥茶記結業，同聽到海安／大安結業，心情感覺係咪截然不同？如果你仲有一次機會，你會想幫襯海安／大安，還是大渣哥？相信好多人同我一樣，會選擇海安㗎啡室／大安茶冰廳，因為呢兩間好有歷史，想去感受一下「老香港」既味道。
問題來了，兩間老茶記歷史超過五、六十年，比我們年紀還要大，自己都只係幫襯過四、五次。點解我地會對結業消息有咁大反應？點解我們無親身體驗過五、六十年前「老香港」，卻執意想懷上一代的舊？
1688年一位瑞士醫生 Johannes Hofer 將兩個希臘文詞語 nóstos (homecoming) 同 álgos (pain) 組成 Nostalgia。當時 Hofer 留意到有士兵因為長期在外，思鄉的愁緒嚴重影響心理生理。Nostalgia 「思鄉症」被認為係一個嚴重疾病，唯一既「醫治」方法係返屋企…
以上提出的問題，每一個人的答案都可能不同，但這一切都係關於個人身份認同。隨著熟悉的香港一直消失，相信我們即使身處香港，Nostalgia 只會越來越嚴重，也不見得有希望可以「醫治」得到。
在此唯有祝福各位平安。
昨天看到立場新聞報導，才知道接近七十年歷史的海安㗎啡室突然宣佈結業了。這間老冰室應該係我一個喜愛研究歷史的同學介紹俾我，其實只係去過兩次，但係對蔥花滑蛋多士的印象尤其深刻。
這種香港的老冰室茶記，真係買少見少，大家如果喜愛老香港的味道氣圍，真係要多多支持，不要等到突然失去了，才懂得珍惜。希望有心人士可以保育海安的座位招牌裝修…
Analogue Geek 