關於

菲林與我

暴大畢業之後,因為朋友網上一句說話認識到香港土炮 Holga 相機,遂走到紅磡廣場入面的宇宙電子廠,購入一部 Holga 120N 相機,自此就與菲林結下不解之緣。

畢業幾年後重回馬料水,在樂隊莊認識了幾個攝影發燒友,佢地好鍾意研究新聞紀實攝影同日本攝影師,自此認識咗Magnum圖片社、Henri Cartier-Bresson、Robert Capa、W. Eugene Smith、中平卓馬、植田正治、森山大道等等等等… 不經不覺已經跳入咗呢個深坑…

其後同幾個中學同學在土瓜灣銀漢街合租唐樓單位,其中一位鼓勵我自己手沖黑白菲林:原來佢已經有晒黑袋沖罐藥水成套器材!自然地我就在銀漢街開始向黑房邁進。

可惜唐樓單位租了幾個月便退了,於是就在油麻地吳松街5號九龍生活攝影器材購買了屬於自己一套的沖菲林器材…


網誌誕生

雖然一直都有在社交媒體分享菲林相片,不過自覺唔係專業,亦都無乜資格經驗去同大家分享甚麼甚麼。然而隨著年紀同經驗增長,開始對呢樣野有少少頭緒同看法,意識到「自我表達不是罪」,所以唔洗睇鬼片都膽生毛,起咗 Analogue Geek 呢個帳號同埋網誌喇。

網誌其實最初係用英文寫,亦靠佢帶挈令我有機會喺Hong Kong Free Press發表作品,特別感謝才華洋溢嘅 Karen Cheung 邀稿,我地重未喺現實相認 LOL!

眼見近年多咗好多香港人鍾意影菲林,所以決定重新出發用番母語去寫呢個網誌。希望 Analogue Geek 呢度令你有新嘅得著同睇法,如果無亦衷心多謝你睇到嚟呢度。

寫在2021年教協解散翌日 香港

%d 位部落客按了讚: