蓮香樓的印象回憶

2022年8月9日凌晨,蓮香樓在facebook宣佈蓮香樓已結束營業,以下是一些印象回憶:

  1. 去過好幾次蓮香樓飲茶同食晚飯,最有印象嘅食物係馬拉糕同八寶鴨。
  2. 去飲茶一定要用茶盅,飲茶時要用茶盅個蓋擋住啲茶葉,否則你就要含茶葉了。
  3. 喺呢度飲嘅茶一定會夠熱。呢度有「專業」嘅「斟茶遞水」:餐枱間隔之間有專屬電爐興住啲水壼,將茶壼或茶盅的蓋打開,「斟茶員」就會自動嚟裝滿熱水。
  4. 當姐姐將點心車推出廚房一刻,就會上演茶客爭先恐後攞點心嘅戲碼,尤其係馬拉糕,如果唔一支箭衝埋去拎,隨時攞都攞唔到,咁就等下一班車喇。
  5. 收銀處對面有一部升降機,因為廚房喺樓上(定樓下?),所以廚部出餸會將碟餸放喺升降機,侍應會從升降機拎野上菜。呢種餸菜迷你升降機,細個成日都會見到,唔知而家仲普唔普遍呢?(圖四)
  6. 其實蓮香樓2019年2月因為租約完結,曾經短暫停業。原本顏氏老闆都諗住唔做,然後有一班員工出資頂手,可惜都係經營不善。顏氏老闆又再出山繼續營業,最後都只係延續到三年幾嘅時間,新聞報導亦有講蓮香樓涉及超過一百萬嘅欠薪問題。疫倩令主要客源(遊客)減少,加上嚴苛「抗疫」政策,蓮香樓雖然經過一次「續命」,但也難逃命運。
  7. 最後,自己自從2018年之後都無再去過蓮香樓,唯一覺得好食又有印象就真係只有馬拉糕了。

中環蓮香樓 2018年
Nikon F3 / Nikon F4 | AF NIKKOR 35mm f/2D | Astrum A-2SH / Foqus Type-D 200

%d 位部落客按了讚: